Almennt
Styrktarsjóðurinn Eldtaugar hefur einsett sér að tryggja trúnað, áreiðanleika og tiltækileika persónuupplýsinga í hvívetna.
Í persónuverndarstefnu þessari er því lýst hvernig Styrktarsjóðurinn Eldtaugar vinnur með persónuupplýsingar viðskiptavina sinna. Öll vinnsla félagsins á persónuupplýsingum fer fram á grundvelli laga nr. 90/2018 um persónuvernd og vinnslu persónuupplýsinga („persónuverndarlög“).
Með persónuupplýsingum er átt við allar upplýsingar sem hægt er að rekja til tiltekins einstaklings. Hér má nefna upplýsingar á borð við nafn, kennitölu, heimilisfang, símanúmer, netfang, myndefni, netauðkenni, samskipti, bílnúmer og fleira. Í 2. tl. 3. gr. persónuverndarlaga má finna nánari útlistun á því hvað fellur undir hugtakið persónuupplýsingar.
Með vinnslu á persónuupplýsingum er átt við aðgerð eða röð aðgerða þar sem unnið er með persónuupplýsingar. Sem dæmi um vinnslu á persónuupplýsingum má nefna söfnun þeirra, skráningu, varðveislu, breytingu, miðlun, notkun, skoðun og fleira. Í 4. tl. 3. gr. persónuverndarlaga er nánar útskýrt hvað fellur undir hugtakið „vinnsla“.
Ábyrgðaraðili
Ábyrgðaraðili við vinnslu persónuupplýsinga er sá aðili sem ákveður tilgang og aðferðir við vinnsluna, sbr. 6. tl. 3. gr. persónuverndarlaga. Styrktarsjóðurinn Eldtaugar er í hlutverki ábyrgðaraðila þegar kemur að vinnslu persónuupplýsinga um styrktaraðila félagsins.
Samskiptaupplýsingar Styrktarsjóðsins Eldtauga:
Styrktarsjóðurinn Eldtaugar
Kennitala: 620222-2890
Hraunbær 111, 110 Reykjavík
Símanúmer: 777-7672
Netfang: [email protected]
Hvað er skráð um þig hjá Styrktarsjóðinum?
Þegar þú verslar í gegnum vefverslun okkar
Styrktaraðilar Styrktarsjóðsins geta styrkt sjóðinn í gegnum vefverslun félagsins. Þegar styrkt er í gegnum vefverslun safnar félagið, eftir þörfum, upplýsingum um nafn, kennitölu, símanúmer, heimilisfang, póstnúmer, netfang, upphæð styrks og staðfestingu á því að greiðsla hafi farið fram.
Tilgangurinn með söfnun þessara upplýsinga er til að halda utan um hverjir hafa styrkt félagið, en einnig fyrir bókhald. Styðst vinnsla persónuupplýsinga í þessu tilfelli við í heimild í 2. tl. 9. gr. persónuverndarlaga.
Þegar þú skráir þig á póstlista
Á heimasíðu okkar getur þú skráð þig á póstlista ef þú hefur áhuga á að fá upplýsingar um framgang söfnunarinnar og starfsemi félagsins. Vinnsla á persónuupplýsingum byggir þá á samþykki þínu, sbr. 1. tl. 9. gr. persónuverndarlaga.
Þegar þú sendir okkur tölvupóst eða hefur samband í gegnum heimsíðu
Þú getur sent okkur tölvupóst eða fyrirspurn í gegnum heimasíðu ef þú hefur einhverjar spurningar í tengslum við okkar starfsemi. Alla jafna byggir heimild til vinnslu persónuupplýsinga í þessum tilfellum á samþykki þínu, sbr. 1. tl. 9. gr. persónuverndarlaga.
Þegar þú sendir okkur skilaboð á Facebook eða Instagram
Styrktarsjóðurinn Eldtaugar er á Facebook og Instagram til að auka sýnileika félagsins. Þú getur sent okkur skilaboð þar ef þú hefur einhverjar spurningar í tengslum við okkar starfsemi. Heimild til vinnslu persónuupplýsinga byggir þá alla jafna á samþykki þínu, sbr. 1. tl. 9. gr. persónuverndarlaga.
Reikningagerð og færsla bókhalds
Þegar þú verslar í gegnum vefverslun okkar stofnum við þig sem viðskiptavin í fjárhagskerfinu okkar. Er slíkt nauðsynlegt svo hægt sé að útbúa viðeigandi reikning. Styðst vinnsla persónuupplýsinga þá við heimild í 2. tl. 9. gr. persónuverndarlaga.
Vafrakökur: Þegar þú notar vefsíðuna okkar
Vafrakökur eru litlar textaskrár sem eru geymdar á tölvunni þinni eða í öðrum snjalltækjum þegar þú heimsækir vefsíðu. Félagið notar eftirfarandi vafrakökur:
Árangurskökur: Eru notaðar til að skilja og greina helstu frammistöðuvísitölur vefsíðunnar sem hjálpa til við að skila betri notendaupplifun fyrir gestina.
Greiningar- og tölfræðikökur: Félagið notar vafrakökur til að greina notkun á vefsíðu félagsins. Með því fást til dæmis upplýsingar um hversu margir notendur opna tilteknar undirsíður á vefsíðunni, hversu lengi þær eru skoðaðar, frá hvaða vefsíðum notendur koma inn á síðuna og hvers konar vafra þeir nota til að skoða hana. Heimild til þessa byggir á samþykki þínu, sbr. 1. tl. 9. gr. persónuverndarlaga.
Markaðskökur: Við notum einnig markaðsvafrakökur til að birta þér auglýsingar sem við teljum þig hafa áhuga á og tengjast starfsemi félagsins. Heimild til þessa byggir á samþykki þínu, sbr. 1. tl. 9. gr. persónuverndarlaga.
Nauðsynlegar vafrakökur: Þessar kökur eru nauðsynlegar svo heimasíðan okkar virki með eðlilegum hætti. Heimild til þessa byggir á 6. tl. 9. gr. persónuverndarlaga.
Virknikökur: Hjálpa til við að framkvæma ákveðna virkni eins og að deila innihaldi vefsíðunnar á samfélagsmiðlum, safna viðbrögðum og öðrum eiginleikum þriðja aðila.
Aðrar vafrakökur: Aðrar óflokkaðar vafrakökur eru þær sem verið er að greina og hafa ekki verið flokkaðar enn sem komið er.
Miðlun persónuupplýsinga til þriðja aðila
Félagið notar rafrænar lausnir frá þriðja aðila sem auðvelda félaginu að halda utan um og miðla upplýsingum. Eigendur lausnanna kunna að hafa aðgang að persónuupplýsingum. Félagið gerir ávallt vinnslusamning við viðkomandi þjónustuaðila í samræmi við kröfur persónuverndarlaga. Slíkur samningur kveður meðal annars á um skyldu hans til að gæta fyllsta trúnaðar, tryggja öryggi og fara eingöngu með persónuupplýsingar í samræmi við fyrirmæli félagsins.
Í ákveðnum tilfellum gæti félagið deilt persónuupplýsingum með þriðja aðila sem ekki er bundinn fyrirmælum félagsins um meðferð þeirra. Athugaðu þá einnig að Facebook hefur aðgang að öllum skilaboðum sem þú sendir þar og á Instagram. Rétt er að geta þess að þeim aðilum ber að haga meðferð persónuupplýsinga í samræmi við persónuverndarlög, jafnvel þótt þeir séu ekki bundnir fyrirmælum félagsins um meðferð þeirra.
Öryggi persónuupplýsinga
Félagið hefur gripið til tæknilegra og skipulagslegra öryggisráðstafana í því skyni að tryggja viðunandi öryggi persónuupplýsinga. Öryggisráðstöfunum þessum er ætlað að vernda persónuupplýsingar gegn því að þær breytist, glatist, verði birtar eða aðgangur veittur að þeim í leyfisleysi.
Varðveislutími persónuupplýsinga
Styrktarsjóðurinn Eldtaugar geymir persónuupplýsingar í þann tíma sem nauðsynlegt er fyrir félagið að hafa þær undir höndum. Bókhaldsgögn eru geymd í sjö ár í samræmi við lög um bókhald nr. 145/1994. Þegar ekki er þörf fyrir félagið að hafa persónuupplýsingar undir höndum lengur eyðir félagið þeim með öruggum hætti.
Réttindi þín
Þú nýtur ákveðinna réttinda samkvæmt persónuverndarlögum. Ef þú vilt neyta þessara réttinda þinna máttu hafa samband við okkur í gegnum netfangið [email protected]. Við höfum einn mánuð til að svara erindi þínu en getum framlengt frestinn um tvo mánuði ef beiðnin er sérstaklega umfangsmikil. Rétt er að taka fram að réttindi þín eru ekki fortakslaus og kunna að vera háð ákveðnum skilyrðum. Hér er að finna yfirlit yfir helstu réttindi þín:
Réttur til aðgangs: Þú átt rétt á að óska eftir aðgangi að þínum gögnum og fá afrit af þínum persónuupplýsingum.
Réttur til leiðréttingar: Þú átt rétt á að fá upplýsingar um þig sem eru rangar og ónákvæmar leiðréttar.
Réttur til eyðingar: Í ákveðnum tilfellum getur þú átt rétt á að þínum persónuupplýsingum sé eytt. Þetta á einkum við í þeim tilfellum þar sem upplýsingar eru ekki lengur nauðsynlegar, þú hefur andmælt vinnslunni, vinnslan reynist ólögmæt, eða ef vinnslan byggir á samþykki sem þú hefur afturkallað.
Réttur til að andmæla vinnslu: Byggi vinnsla okkar á persónuupplýsingum á lögmætum hagsmunum, og þú telur að hún brjóti gegn grundvallarréttindum þínum, þá getur þú andmælt vinnslunni. Við hættum þá vinnslunni nema við sýnum fram á ríkari hagsmuni af því að halda henni áfram.
Réttur til takmörkunar á vinnslu: Í eftirfarandi tilfellum átt þú rétt á að við stöðvum vinnslu persónuupplýsinga:
- Ef þú véfengir að persónuupplýsingar séu réttar (þar til við getum staðfest að þær séu réttar).
- Vinnslan er ólögmæt, en þú vilt ekki að persónuupplýsingunum sé eytt.
- Við þurfum ekki lengur á upplýsingunum að halda en þú þarfnast þeirra til að hafa uppi, stofna eða verja réttarkröfu.
- Þú hefur andmælt vinnslunni og við höfum ekki bent á ríkari hagsmuni af því að halda henni áfram.
Réttur til að afturkalla samþykki: Í þeim tilfellum þar sem við byggjum vinnslu á samþykki þínu er þér ávallt heimilt að afturkalla slíkt samþykki. Afturköllun á samþykki þýðir þó ekki að vinnslan sem fór fram áður en samþykki var afturkallað sé ólögmæt.
Réttur til að leggja fram kvörtun hjá Persónuvernd: Teljir þú að ekki sé farið með persónuupplýsingar þínar í samræmi við persónuverndarlög átt þú ávallt rétt á að leggja fram kvörtun hjá Persónuvernd (www.personuvernd.is).
Frekari upplýsingar
Hafi þú frekari spurningar um hvernig félagið meðhöndlar persónuupplýsingar þínar getur þú ávallt sent okkur fyrirspurn á [email protected].
Endurskoðun
Persónuverndarstefna þessi getur frá einum tíma til annars tekið breytingum í samræmi við breytingar sem verða á viðeigandi lögum og reglugerðum eða ef breytingar verða á því hvernig Styrktarsjóðurinn Eldtaugar vinnur með persónuupplýsingar.
